ممكن اصحاب اختك

ممكن اصاحب اختك



لو سمحت هو انت اخوه البنت اللى واقفة هناك دى

اصلها عجبنى اوووى وزى القمر بصراحة

طيب كويس انك اخوها ممكن تدينى رقم تليفونها اصل انا معجب بيها اوى وعاوز اكلمها

ايوة انا عاوز اصحاب اختك

هو انت ليه اتضايقت منى ؟ وفيها ايه لما اتعرف عليها واكلمها واحبها وتحبنى وحتى نخرج سوى ؟

هو الحب حرام واللى ايه يا ريس ؟



انت متعصب ليه ؟ فيها ايه لما اخرج مع اختك واحبها مش انا وهى شباب من حقنا نحب ؟


طيب بس اهدى شويه ما تتعصبش هو انت مش برضة مرتبط ببنت و بتخرج معاها ويتقولها انك بتحبها ؟

طيب ايه الفرق بينى وبينك انا كمان حخرج مع اختك واقولها انى بحبها

طيب قولى بس بهدوء مش انت بتقول للبنت اللى تعرفها انك بتحبها وبتخاف عليها طيب منا كمان حجب اخنك واخاف عليها ؟

اختك زى البنت اللى تعرفها تمام مش كده ولا ايه ؟

طيب لو انت بتحب البنت اللى تعرفها ليه ما ترضاش انك اختك تعمل زيها ؟

لو انت بتحب وبتخاف على البنت اللى تعرفها يبقى ليه مش عاوز اختك تبقى مرتبطة بشاب زيك برضة ويقولها انه بيخاف عليها ويكلمها كلام حب فى التليفون الا لو انت شايف انك بتعمل حاجة غلط؟

مش ده تناقض فى كلامك وتصرفاتك؟

انا حطمنك واقولك انى مش من النوع  ده من الناس انالو حبيت هرتبط ببنت حيكون عن طريق اهلها لانى راجل بحترم نفسى ولما ححب بنت يبقى احترمها ولو ححترمها يبقى لا يمكن حرضى انها تعمل حاجه فى السر من ورا اهلها تعمل حاجه محبش ان اختى ماتعملهاش

لو حبيتها بجد يبقى خليك فى النور يا امور  وادخل البيت من الباب مش من الشباك

لو حبيتها احترمها واحترم اهلها تكبر فى نظرها وعمرك ما حتحترمها

طول منتا بتعرفها فى السر زى اللى بيسرق بيخاف حد يشوفة
اتق الله فى نفسك واعلم انك كما تدين تدان

فكره قلب الدنيا خلصت انهارده و  يارب نكون استفدتوا منه

واللى اانا عايز اقوله لكل الشباب
ان اللى مش بترضى على اختك متردهوش على بنات الناس

وانا بقول الكلام ده لانك غاليه عليا وشايفك مش حاسس بقيمتك لانك لو حاسس فعلا بقيمتك

كنت قولت لنفسك انا مسلم ومقابلش على نفسى اقع فى الحرام والشيطان يخدعنى واتفكر كلام ربنا

قال تعالى

( يا ايها الذين امنوا لا تتبعوا خطوات الشيطان ومن يتبع خطوات الشيطان فانة يامر بالفحشاء والمنكر )

ما تزعلش من كلامى بس فعلا انت كنت محتاج اللى يفوقك من اللى انت فيه واحد يكون كلامه مباشر من غير دبلوماسيه ومجاملة وربنا يهديك ويهدينا جميعا امين يارب

تصنيف :